نظرانداز کرکے مرکزی مواد پر جائیں

مسجد۔۔۔۔۔۔ اختر الایمان۔۔۔Masjid AKHTARUL IMAN



مسجد 


اختر الایمان

دور برگد کی گھنی چھاؤں میں خاموش و ملول 
جس جگہ رات کے تاریک کفن کے نیچے 
ماضی و حال گنہ گار نمازی کی طرح 
اپنے اعمال پہ رو لیتے ہیں چپکے چپکے 
ایک ویران سی مسجد کا شکستہ سا کلس 
پاس بہتی ہوئی ندی کو تکا کرتا ہے 
اور ٹوٹی ہوئی دیوار پہ چنڈول کبھی 
گیت پھیکا سا کوئی چھیڑ دیا کرتا ہے 
گرد آلود چراغوں کو ہوا کے جھونکے 
روز مٹی کی نئی تہہ میں دبا جاتے ہیں 
اور جاتے ہوئے سورج کے وداعی انفاس 
روشنی آ کے دریچوں کی بجھا جاتے ہیں 
حسرت شام و سحر بیٹھ کے گنبد کے قریب 
ان پریشان دعاؤں کو سنا کرتی ہے 
جو ترستی ہی رہیں رنگ اثر کی خاطر 
اور ٹوٹا ہوا دل تھام لیا کرتی ہے 
یا ابابیل کوئی آمد سرما کے قریب 
اس کو مسکن کے لیے ڈھونڈ لیا کرتی ہے 
اور محراب شکستہ میں سمٹ کر پہروں 
داستاں سرد ممالک کی کہا کرتی ہے 
ایک بوڑھا گدھا دیوار کے سائے میں کبھی 
اونگھ لیتا ہے ذرا بیٹھ کے جاتے جاتے 
یا مسافر کوئی آ جاتا ہے وہ بھی ڈر کر 
ایک لمحے کو ٹھہر جاتا ہے آتے آتے 
فرش جاروب کشی کیا ہے سمجھتا ہی نہیں 
کالعدم ہو گیا تسبیح کے دانوں کا نظام 
طاق میں شمع کے آنسو ہیں ابھی تک باقی 
اب مصلٰی ہے نہ منبر نہ مؤذن نہ امام 
آ چکے صاحب افلاک کے پیغام و سلام 
کوہ و در اب نہ سنیں گے وہ صدائے جبریل 
اب کسی کعبہ کی شاید نہ پڑے گی بنیاد 
کھو گئی دشت فراموشی میں آواز خلیل 
چاند پھیکی سی ہنسی ہنس کے گزر جاتا ہے 
ڈال دیتے ہیں ستارے دھلی چادر اپنی 
اس نگار دل یزداں کے جنازے پہ بس اک 
چشم نم کرتی ہے شبنم یہاں اکثر اپنی 
ایک میلا سا اکیلا سا فسردہ سا دیا 
روز رعشہ زدہ ہاتھوں سے کہا کرتا ہے 
تم جلاتے ہو کبھی آ کے بجھاتے بھی نہیں 
ایک جلتا ہے مگر ایک بجھا کرتا ہے 
تیز ندی کی ہر اک موج تلاطم بردوش 
چیخ اٹھتی ہے وہیں دور سے فانی فانی 
کل بہا لوں گی تجھے توڑ کے ساحل کی قیود 
اور پھر گنبد و مینار بھی پانی پانی 


MASJID by 
AKHTARUL IMAN 


duur bargad kī ghanī chhāñv meñ ḳhāmosh o malūl 
jis jagah raat ke tārīk kafan ke nīche 
maazī o haal gunahgār namāzī kī tarah 
apne āmāl pe ro lete haiñ chupke chupke 
ek vīrān sī masjid kā shikasta sā kalas 
paas bahtī huī naddī ko takā kartā hai 
aur TuuTī huī dīvār pe chanDol kabhī 
giit phīkā sā koī chheḌ diyā kartā hai 
gard-ālūd charāġhoñ ko havā ke jhoñke 
roz miTTī kī na.ī tah meñ dabā jaate haiñ 
aur jaate hue sūraj ke vidā.ī anfās 
raushnī aa ke darīchoñ kī bujhā jaate haiñ 
hasrat-e-shām-o-sahar baiTh ke gumbad ke qarīb 
in pareshān duāoñ ko sunā kartī hai 
jo tarastī hī rahīñ rañg-e-asar kī ḳhātir 
aur TuuTā huā dil thaam liyā kartī hai 
yā abābīl koī āmad-e-sarmā ke qarīb 
us ko maskan ke liye DhūñD liyā kartī hai 
aur mehrāb-e-shikasta meñ simaT kar pahroñ 
dāstāñ sard mumālik kī kahā kartī hai 
ek būḌhā gadhā dīvār ke saa.e meñ kabhī 
uuñgh letā hai zarā baiTh ke jaate jaate 
yā musāfir koī aa jaatā hai vo bhī Dar kar 
ek lamhe ko Thahar jaatā hai aate aate 
farsh jārob-kashī kyā hai samajhtā hī nahīñ 
kal-adam ho gayā tasbīh ke dānoñ kā nizām 
taaq meñ sham.a ke aañsū haiñ abhī tak baaqī 
ab musallā hai na mimbar na muazzin na imaam 
aa chuke sāhab-e-aflāk ke paiġhām o salām 
koh o dar ab na suneñge vo sadā-e-jibraīl 
ab kisī kaabe kī shāyad na paḌegī buniyād 
kho ga.ī dasht-e-farāmoshī meñ āvāz-e-ḳhalīl 
chāñd phīkī sī hañsī hañs ke guzar jaatā hai 
Daal dete haiñ sitāre dhulī chādar apnī 
is nigār-e-dil-e-yazdāñ ke janāze pe bas ik 
chashm nam kartī hai shabnam yahāñ aksar apnī 
ek mailā sā akelā sā fasurda sā diyā 
roz rāsha-zada hāthoñ se kahā kartā hai 
tum jalāte ho kabhī aa ke bujhāte bhī nahīñ 
ek jaltā hai magar ek bujhā kartā hai 
tez naddī kī har ik mauj talātum-bar-dosh 
chīḳh uThtī hai vahīñ duur se faanī faanī 
kal bahā lūñgī tujhe toḌ ke sāhil kī quyūd 
aur phir gumbad o mīnār bhī paanī paanī 


मस्जिद 
अख़्तर-उल-ईमान 

दूर बरगद की घनी छाँव में ख़ामोश ओ मलूल 
जिस जगह रात के तारीक कफ़न के नीचे 
माज़ी ओ हाल गुनहगार नमाज़ी की तरह 
अपने आमाल पे रो लेते हैं चुपके चुपके 
एक वीरान सी मस्जिद का शिकस्ता सा कलस 
पास बहती हुई नद्दी को तका करता है 
और टूटी हुई दीवार पे चंडोल कभी 
गीत फीका सा कोई छेड़ दिया करता है 
गर्द-आलूद चराग़ों को हवा के झोंके 
रोज़ मिट्टी की नई तह में दबा जाते हैं 
और जाते हुए सूरज के विदाई अन्फ़ास 
रौशनी आ के दरीचों की बुझा जाते हैं 
हसरत-ए-शाम-ओ-सहर बैठ के गुम्बद के क़रीब 
इन परेशान दुआओं को सुना करती है 
जो तरसती ही रहीं रंग-ए-असर की ख़ातिर 
और टूटा हुआ दिल थाम लिया करती है 
या अबाबील कोई आमद-ए-सरमा के क़रीब 
उस को मस्कन के लिए ढूँड लिया करती है 
और मेहराब-ए-शिकस्ता में सिमट कर पहरों 
दास्ताँ सर्द मुमालिक की कहा करती है 
एक बूढ़ा गधा दीवार के साए में कभी 
ऊँघ लेता है ज़रा बैठ के जाते जाते 
या मुसाफ़िर कोई आ जाता है वो भी डर कर 
एक लम्हे को ठहर जाता है आते आते 
फ़र्श जारोब-कशी क्या है समझता ही नहीं 
कल-अदम हो गया तस्बीह के दानों का निज़ाम 
ताक़ में शम्अ के आँसू हैं अभी तक बाक़ी 
अब मुसल्ला है न मिम्बर न मुअज़्ज़िन न इमाम 
आ चुके साहब-ए-अफ़्लाक के पैग़ाम ओ सलाम 
कोह ओ दर अब न सुनेंगे वो सदा-ए-जिब्रील 
अब किसी काबे की शायद न पड़ेगी बुनियाद 
खो गई दश्त-ए-फ़रामोशी में आवाज़-ए-ख़लील 
चाँद फीकी सी हँसी हँस के गुज़र जाता है 
डाल देते हैं सितारे धुली चादर अपनी 
इस निगार-ए-दिल-ए-यज़्दाँ के जनाज़े पे बस इक 
चश्म नम करती है शबनम यहाँ अक्सर अपनी 
एक मैला सा अकेला सा फ़सुर्दा सा दिया 
रोज़ राशा-ज़दा हाथों से कहा करता है 
तुम जलाते हो कभी आ के बुझाते भी नहीं 
एक जलता है मगर एक बुझा करता है 
तेज़ नद्दी की हर इक मौज तलातुम-बर-दोश 
चीख़ उठती है वहीं दूर से फ़ानी फ़ानी 
कल बहा लूँगी तुझे तोड़ के साहिल की क़ुयूद 
और फिर गुम्बद ओ मीनार भी पानी पानी 


تبصرے

اس بلاگ سے مقبول پوسٹس

فیض کے شعری مجموعوں کا اجمالی جائزہ

: محمدی بیگم، ریسرچ اسکالر،  شعبہ اردو و فارسی،گلبرگہ یونیورسٹی، گلبرگہ ’’نسخہ ہائے وفا‘‘ کو فیض کے مکمل کلیات قرار دیا جاسکتا ہے، جس میں ان کا سارا کلام اور سارے شعری مجموعوں کو یکجا کردیا گیا ہے، بلکہ ان کے آخری شعری مجموعہ ’’ مرے دل مرے مسافر‘‘ کے بعد کا کلام بھی اس میں شامل ہے۔  فیض ؔ کے شعری مجموعوں کی کُل تعداد ’’سات ‘‘ ہے، جن کے نام حسبِ ذیل ہیں:

عہد بہمنیہ میں اُردو شاعری، ڈاکٹر سید چندا حسینی اکبر، گلبرگہ نیورسٹی گلبرگہ Urdu poetry in the Bahmani period

  عہد بہمنیہ میں اُردو شاعری  Urdu poetry in the Bahmani period                                                                                                 ڈاکٹر سید چندا حسینی اکبرؔ 9844707960   Dr. Syed Chanda Hussaini Akber Lecturer, Dept of Urdu, GUK              ریاست کرناٹک میں شہر گلبرگہ کو علمی و ادبی حیثیت سے ایک منفرد مقام حاصل ہے۔ جب ١٣٤٧ء میں حسن گنگو بہمنی نے سلطنت بہمیہ کی بنیاد رکھی تو اس شہر کو اپنا پائیہ تخت بنایا۔ اس لئے ہندوستان کی تاریخ میں اس شہر کی اپنی ایک انفرادیت ہے۔ گلبرگہ نہ صرف صوفیا کرام کا مسکن رہاہے بلکہ گنگاجمنی تہذیب اور شعروادب کا گہوارہ بھی رہاہے۔ جنوبی ہند کی تاریخ میں سرزمین گلبرگہ کو ہی یہ اولین اعزاز حاصل ہے کہ یہاں سے دین حق، نسان دوستی، مذہبی رواداری اور ایک مشترکہ تہذیب و تمدن کے آغاز کا سہرا بھی اسی کے سر ہے . ۔   Urdu poetry in the Bahmani period

نیا قانون از سعادت حسن منٹو

نیا قانون از سعادت حسن منٹو منگو(مرکزی کردار) کوچوان اپنے اڈے میں بہت عقلمند آدمی سمجھا جاتا تھا۔۔۔اسے دنیا بھر کی چیزوں کا علم تھا۔۔۔ استاد منگو نے اپنی ایک سواری سے اسپین میں جنگ چھڑ جانے کی اطلاع سنی تھی۔۔۔اسپین میں جنگ چھڑگئی اور جب ہر شخص کو اسکا پتہ چلا تو اسٹیشن کے اڈے میں جتنے کوچوان حلقہ بنائے حقہ پی رہے تھے دل ہی دل میں استاد منگو کی بڑائی کا اعتراف کررہے تھے۔۔۔ استاد منگو کو انگریز سے بڑی نفرت تھی۔۔۔ایک روز استاد منگو نے کچہری سے دو سواریاں(مارواڑی) لادیں اور انکی گفتگو سے اسے پتہ چلا کے ہندوستان میں جلد ایک آئین کا نفاذ ہونے والا ہے تو اسکی خوشی کی کوئی انتہا نہ رہی۔۔۔ سنا ہے کہ پہلی اپریل سے ہندوستان میں نیا قانون چلے گا۔۔۔کیا ہر چیز بدل جائے گی؟۔۔۔ ان مارواڑیوں کی بات چیت استاد منگو کے دل میں ناقابلِ بیان خوشی پیدا کررہی تھی۔۔۔ پہلی اپریل تک استاد منگو نے جدید آئین کے خلاف اور اس کے حق میں بہت کچھ سنا، مگر اس کے متعلق جو تصویر وہ اپنے ذہن میں قائم کر چکا تھا ، بدل نہ سکا۔ وہ سمجھتا تھا کہ پہلی اپریل کو نئے قانون کے آتے ہی سب معاملہ صاف ہوجائے گا اور اسکو