اعلی ظرفی (واقعہ نمبر 741)

بسم اللہ الرحمن الرحیم

ایک صاحب کے محترم مربی کی ٹرین صبح کے اولین اوقات میں اسٹیشن پہنچنے والی تھی۔ مرید نے حضرت کی خدمت میں پیش کرنے کے لیے جلدی میں بیوی سے کھیر بنوائی اور اسٹیشن پر پہنچ کر پیش کردی۔ اسٹیشن پر مریدوں کی بھیڑ تھی۔ خلاف معمول حضرت نے ساری کھیر خود کھالی، کسی دوسرے کو نہیں دیا۔ سب حیرت کررہے تھے۔

گھر واپس آکر جب مرید نے خود کھیر کھائی تو معلوم ہوا کہ اس میں شکر کی بجائے نمک ہے۔ اب یہ عقدہ کھُلا کہ حضرت نے ساری کھیر بنا منہ بنائے خود کیوں کھالی، دوسروں کو کیوں نہیں دیا۔ اگر کوئی دوسرا کھاتا تو کھیر کے نمکین ہونے کا سب کے سامنے تذکرہ کردیتا جس سے مرید کا دل ٹوٹ جاتا اور اسے پشیمانی اور پریشانی ہوتی۔

دوسروں کی عزت کا اتنا پاس اور خیال رکھنا کس قدر کی اعلی ظرفی ہے۔ سیکھنے کی بات ہے۔

ڈاکٹر عبدالماجد انصاری، ڈائریکٹر، گُڈ کیریکٹر او پی سی پرائیویٹ لمیٹڈ

تبصرے

اس بلاگ سے مقبول پوسٹس

عہد بہمنیہ میں اُردو شاعری، ڈاکٹر سید چندا حسینی اکبر، گلبرگہ نیورسٹی گلبرگہ Urdu poetry in the Bahmani period

عہد بہمنیہ میں اُردو شاعری Urdu poetry in the Bahmani period ڈاکٹر سید چندا حسینی اکبرؔ 9844707960 Dr. Syed Chanda Hussaini Akber Lecturer, Dept of Urdu, GUK ریاست کرناٹک میں شہر گلبرگہ کو علمی و ادبی حیثیت سے ایک منفرد مقام حاصل ہے۔ جب ١٣٤٧ء میں حسن گنگو بہمنی نے سلطنت بہمیہ کی بنیاد رکھی تو اس شہر کو اپنا پائیہ تخت بنایا۔ اس لئے ہندوستان کی تاریخ میں اس شہر کی اپنی ایک انفرادیت ہے۔ گلبرگہ نہ صرف صوفیا کرام کا مسکن رہاہے بلکہ گنگاجمنی تہذیب اور شعروادب کا گہوارہ بھی رہاہے۔ جنوبی ہند کی تاریخ میں سرزمین گلبرگہ کو ہی یہ اولین اعزاز حاصل ہے کہ یہاں سے دین حق، نسان دوستی، مذہبی رواداری اور ایک مشترکہ تہذیب و تمدن کے آغاز کا سہرا بھی اسی کے سر ہے . ۔ Urdu poetry in the Bahmani period

فیض کے شعری مجموعوں کا اجمالی جائزہ

: محمدی بیگم، ریسرچ اسکالر، شعبہ اردو و فارسی،گلبرگہ یونیورسٹی، گلبرگہ ’’نسخہ ہائے وفا‘‘ کو فیض کے مکمل کلیات قرار دیا جاسکتا ہے، جس میں ان کا سارا کلام اور سارے شعری مجموعوں کو یکجا کردیا گیا ہے، بلکہ ان کے آخری شعری مجموعہ ’’ مرے دل مرے مسافر‘‘ کے بعد کا کلام بھی اس میں شامل ہے۔ فیض ؔ کے شعری مجموعوں کی کُل تعداد ’’سات ‘‘ ہے، جن کے نام حسبِ ذیل ہیں:

اداریہ

آداب ! اُمید کہ آپ تمام خیریت سے ہوں گے۔ کورونا کی تیسری لہر کا خطرہ بھی ٹلتا ہوا نظر آرہاہے۔ زندگی کی گاڑی پٹری پر آتی ہوئی نظر آرہی ہے۔ اللہ کرے کہ ایسا ہی ہو۔ خیر یہ کورونا کی لہر یا کورونا کا بنایا ہوا جال تو دو سال سے چل رہاہے۔ لیکن کیا ہم صحت کو لے کر پہلے پریشان نہیں تھے؟ ہمارے گھروں میں ہمارے خاندانوں میں بیماریوں کا بھنڈار پڑا ہے۔ ہر کسی کو کچھ نا کچھ بیماری ہے۔ سردرد جیسے چھوٹی بیماری سے لے کر کینسر جیسے جان لیوا امراض تک ہمارے خاندانوں میں ضرور پائے جاتی ہے۔ عزیزان من! کیا آپ نے سوچا ہے کہ یہ سب کیوں ہورہاہے۔اگر ہم ہمارے آبا و اجداد کی زندگی پر نظر ڈالیں تو ہمیں کوئی بیماری نظر نہیں آتی۔ چند ایک کو چھوڑ کر جن کی عمریں زیادہ ہوئیں تھیں وہ بھی زیادہ بیڑی کا استعمال کرنے والوں کو پھیپھروں کا کچھ مسئلہ رہتا تھا وہ بھی جان لیوا نہیں ہوا کرتا تھا۔ بس زیادہ سے زیادہ کھانستے رہتے تھے۔ اور آخری دم تک کھانستے ہی رہتے تھے۔ ان کی عمریں سو یا سو کے آس پاس ہوا کرتی تھی۔ کبھی کسی کو دل کا دورہ نہیں ہوا کرتا تھا اور

Digital Urdu Magazine

یہ بلاگ تلاش کریں