رباعیات ڈاکٹر محمد اسلم پرویز 'اسلم'بھاگلپور، بہار، انڈیا

رباعیات

۔۔۔۔۔۔۔۔۔۔

دو دن کی سہولت کے سوا کچھ بھی نہیں

تھوڑی سی فراغت کے سوا کچھ بھی نہیں

ساماں اسے راحت کا سمجھنے والے

رشوت تو مصیبت کے سوا کچھ بھی نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں شور مچانے سے نہیں ڈرتا ہوں

میں آنکھ دکھانے سے نہیں ڈرتا ہوں

تلوار سے اک روز قلم نے یہ کہا

میں تیرے ڈرانے سے نہیں ڈرتا ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہر بات بتا دینا ضروری تو نہیں

دنیا کو پتا دینا ضروری تو نہیں

قربان ہوئی تجھ پے مری جان مگر

احسان جتا دینا ضروری تو نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا درد کی تفسیر فغاں سے لاؤں

کیا آہ کوئی سوز نہاں سے لاؤں

بس ہوش و خرد تھے، وہ تری نذر ہوئے

تحفہ میں کوئی اور کہاں سے لاؤں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہتی ہے زمیں آہ! ذرا دیکھ کے چل

نازک ہے بہت راہ ذرا دیکھ کے چل

تسلیم ہے ذروں کو حکومت لیکن

اے میرے شہنشاہ! ذرا دیکھ کے چل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس بام سے، اس در سے، کہیں دور چلو

اس گاؤں سے، اس گھر سے، کہیں دور چل

آرام سے جینے کی تمنا ہے اگر

اس شہرِ ستم گر سے کہیں دور چلو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈاکٹر محمد اسلم پرویز 'اسلم'

بھاگلپور، بہار، انڈیا

تبصرے

اس بلاگ سے مقبول پوسٹس

عہد بہمنیہ میں اُردو شاعری، ڈاکٹر سید چندا حسینی اکبر، گلبرگہ نیورسٹی گلبرگہ Urdu poetry in the Bahmani period

عہد بہمنیہ میں اُردو شاعری Urdu poetry in the Bahmani period ڈاکٹر سید چندا حسینی اکبرؔ 9844707960 Dr. Syed Chanda Hussaini Akber Lecturer, Dept of Urdu, GUK ریاست کرناٹک میں شہر گلبرگہ کو علمی و ادبی حیثیت سے ایک منفرد مقام حاصل ہے۔ جب ١٣٤٧ء میں حسن گنگو بہمنی نے سلطنت بہمیہ کی بنیاد رکھی تو اس شہر کو اپنا پائیہ تخت بنایا۔ اس لئے ہندوستان کی تاریخ میں اس شہر کی اپنی ایک انفرادیت ہے۔ گلبرگہ نہ صرف صوفیا کرام کا مسکن رہاہے بلکہ گنگاجمنی تہذیب اور شعروادب کا گہوارہ بھی رہاہے۔ جنوبی ہند کی تاریخ میں سرزمین گلبرگہ کو ہی یہ اولین اعزاز حاصل ہے کہ یہاں سے دین حق، نسان دوستی، مذہبی رواداری اور ایک مشترکہ تہذیب و تمدن کے آغاز کا سہرا بھی اسی کے سر ہے . ۔ Urdu poetry in the Bahmani period

فیض کے شعری مجموعوں کا اجمالی جائزہ

: محمدی بیگم، ریسرچ اسکالر، شعبہ اردو و فارسی،گلبرگہ یونیورسٹی، گلبرگہ ’’نسخہ ہائے وفا‘‘ کو فیض کے مکمل کلیات قرار دیا جاسکتا ہے، جس میں ان کا سارا کلام اور سارے شعری مجموعوں کو یکجا کردیا گیا ہے، بلکہ ان کے آخری شعری مجموعہ ’’ مرے دل مرے مسافر‘‘ کے بعد کا کلام بھی اس میں شامل ہے۔ فیض ؔ کے شعری مجموعوں کی کُل تعداد ’’سات ‘‘ ہے، جن کے نام حسبِ ذیل ہیں:

اداریہ

آداب ! اُمید کہ آپ تمام خیریت سے ہوں گے۔ کورونا کی تیسری لہر کا خطرہ بھی ٹلتا ہوا نظر آرہاہے۔ زندگی کی گاڑی پٹری پر آتی ہوئی نظر آرہی ہے۔ اللہ کرے کہ ایسا ہی ہو۔ خیر یہ کورونا کی لہر یا کورونا کا بنایا ہوا جال تو دو سال سے چل رہاہے۔ لیکن کیا ہم صحت کو لے کر پہلے پریشان نہیں تھے؟ ہمارے گھروں میں ہمارے خاندانوں میں بیماریوں کا بھنڈار پڑا ہے۔ ہر کسی کو کچھ نا کچھ بیماری ہے۔ سردرد جیسے چھوٹی بیماری سے لے کر کینسر جیسے جان لیوا امراض تک ہمارے خاندانوں میں ضرور پائے جاتی ہے۔ عزیزان من! کیا آپ نے سوچا ہے کہ یہ سب کیوں ہورہاہے۔اگر ہم ہمارے آبا و اجداد کی زندگی پر نظر ڈالیں تو ہمیں کوئی بیماری نظر نہیں آتی۔ چند ایک کو چھوڑ کر جن کی عمریں زیادہ ہوئیں تھیں وہ بھی زیادہ بیڑی کا استعمال کرنے والوں کو پھیپھروں کا کچھ مسئلہ رہتا تھا وہ بھی جان لیوا نہیں ہوا کرتا تھا۔ بس زیادہ سے زیادہ کھانستے رہتے تھے۔ اور آخری دم تک کھانستے ہی رہتے تھے۔ ان کی عمریں سو یا سو کے آس پاس ہوا کرتی تھی۔ کبھی کسی کو دل کا دورہ نہیں ہوا کرتا تھا اور

Digital Urdu Magazine

یہ بلاگ تلاش کریں