نظرانداز کرکے مرکزی مواد پر جائیں

وھاٹس ایپ گروپ: *دیـــــارمیــــــــر*

وھاٹس ایپ گروپ: *دیـــــارمیــــــــر*


سلسلہ : *گـــــــرہ لـــــــگائیں*

تاریخ : 1.11.2022

Poetry of Mir Taqi Mir

مصرع نمبر : 199


*میرے سوا کوئی یہاں سچ بولتا نہیں*


پورا شعر :


*میں چل کے آج کون سی نگری میں آگیا*

*میرے سوا کوئی یہاں سچ بولتا نہیں*

(محسن باعشن حسرت)


*گــــــرہیں*۔۔۔۔۔۔۔۔۔


دعویٰ ہر ایک شخص کا ھے، سچ نہیں مگر

میرے سوا کوئی یہاں سچ بولتا نہیں

(احمد کمال حشمی)


میں آئینہ دکھاؤں تو کس کو دکھاؤں اب

میرے سوا کوئی یہاں سچ بولتا نہیں

(اصغر شمیم)


سہتا ہے ظلم اور زباں کھولتا نہیں

میرے سوا کوئی یہاں سچ بولتا نہیں

(مقصود عالم رفعت)


میں دار پر چڑھا کہ مرا جرم تھا یہی 

میرے سوا یہاں کوئی سچ بولتا نہیں

(شاداب انجم) 


یہ میری کوششوں کا نتیجہ ہے دار پر

میرے سوا کوئی یہاں سچ بولتا نہیں

(اشرف یعقوبی) 


میرے سوا نہیں ہے کوئی سچ کا پاسدار

میرے سوا کوئی یہاں سچ بولتا نہیں

(حسن آتش چاپدانوی)


مودی ہے دعوے دار کہ اے دیش باسیو !

میرے سوا کوئی یہاں سچ بولتا نہیں

(نسیم فائق)


کٹتی نہ کیوں نثار فقط میری ہی زباں 

میرے سوا کوئی یہاں سچ بولتا نہیں

(نثاردیناج پوری) 


سچ بولنے کا حشر وہ دیکھا کہ آج بھی

میرے سوا کوئی یہاں سچ بولتا نہیں

(فیض احمد شعلہ)


اب گردشوں کا بوجھ اٹھاتا ہےکون یار 

میرے سوا کوئی یہاں سچ بولتا نہیں 

(م ، سرور پنڈولوی)


سچ بولتی ہوں اور سمجھتے ہیں جھوٹ وہ 

میرے سوا کوئی یہاں سچ بولتا نہیں

 ( عصمت آرا)


کڑوی زباں پہ مصری کبھی گھولتا نہیں

میرے سوا کوئی یہاں سچ بولتا نہیں

(سید اسلم صدا آمری) 


لوگوں کو مجھ سے بیر اگر ہے ، ہوا کرے

میرے سوا کوئی یہاں سچ بولتا نہیں

(اشفاق اسانغنی)


خطرہ ھے جس کو جان کا ، لب کھولتا نہیں 

میرے سوا کوئی یہاں سچ بولتا نہیں 

(سہیل اقبال )


بولوں اگر میں جھوٹ بھی، سب مان لیں گے سچ 

میرے سوا کوئی یہاں سچ بولتا نہیں

( مستحسن عزم )


کچھ بولنے سے اچھا ہے انجم کہ چپ رہوں

میرے سوا کوئی یہاں سچ بولتا نہیں 

(مشتاق انجم)


سننے سے پہلے اس کو مجھے زعم تھا یہی

میرے سوا کوئی یہاں سچ بولتا نہیں

(احمد مشرف خاور)


ہر اختلاف رائے پہ ثابت قدم ہوں میں

میرے سوا کوئی یہاں سچ بولتا نہیں

( غیاث انور شہودی)


سچ بات تو یہی ہے کہ یہ بھی نہیں ہے سچ

میرے سوا کوئی یہاں سچ بولتا نہیں

(نذر فاطمی)


میں آئنہ ہوں پھر بھی یہ دعویٰ نہیں مجھے

میرے سوا کوئی یہاں سچ بولتا نہیں

(جہانگیر نایاب)


کس پر بھروسہ میں کروں یارب بتا مجھے 

میرے سوا کوئی یہاں سچ بولتا نہیں

(حسام الدین شعلہ)


سچ بولتا ہوں میں یہ مرا قول جھوٹ ہے

میرے سوا کوئی یہاں سچ بولتا نہیں

(حشمت علی حشمت)


نظریں چرانے لگتے ہیں سب مجھ کو دیکھ کر

میرے سوا کوئی یہاں سچ بولتا نہیں

 (خورشید بھارتی) 


ہر شخص اپنے آپ سے کہنے لگا ہے یوں

میرے سوا کوئی یہاں سچ بولتا نہیں

(مرشد عالم ندوی)


الفاظ اپنے اس لئے وہ تولتا نہیں

میرے سوا کوئی یہاں سچ بولتا نہیں

(شیما نظیر)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انتخـــاب : احمد کمال حشمی (ایڈمن) 

تبصرے

اس بلاگ سے مقبول پوسٹس

عہد بہمنیہ میں اُردو شاعری، ڈاکٹر سید چندا حسینی اکبر، گلبرگہ نیورسٹی گلبرگہ Urdu poetry in the Bahmani period

  عہد بہمنیہ میں اُردو شاعری  Urdu poetry in the Bahmani period                                                                                                 ڈاکٹر سید چندا حسینی اکبرؔ 9844707960   Dr. Syed Chanda Hussaini Akber Lecturer, Dept of Urdu, GUK              ریاست کرناٹک میں شہر گلبرگہ کو علمی و ادبی حیثیت سے ایک منفرد مقام حاصل ہے۔ جب ١٣٤٧ء میں حسن گنگو بہمنی نے سلطنت بہمیہ کی بنیاد رکھی تو اس شہر کو اپنا پائیہ تخت بنایا۔ اس لئے ہندوستان کی تاریخ میں اس شہر کی اپنی ایک انفرادیت ہے۔ گلبرگہ نہ صرف صوفیا کرام کا مسکن رہاہے بلکہ گنگاجمنی تہذیب اور شعروادب کا گہوارہ بھی رہاہے۔ جنوبی ہند کی تاریخ میں سرزمین گلبرگہ کو ہی یہ اولین اعزاز حاصل ہے کہ یہاں سے دین حق، نسان دوستی، مذہبی رواداری اور ایک مشترکہ تہذیب و تمدن کے آغاز کا سہرا بھی اسی کے سر ہے . ۔   Urdu poetry in the Bahmani period

فیض کے شعری مجموعوں کا اجمالی جائزہ

: محمدی بیگم، ریسرچ اسکالر،  شعبہ اردو و فارسی،گلبرگہ یونیورسٹی، گلبرگہ ’’نسخہ ہائے وفا‘‘ کو فیض کے مکمل کلیات قرار دیا جاسکتا ہے، جس میں ان کا سارا کلام اور سارے شعری مجموعوں کو یکجا کردیا گیا ہے، بلکہ ان کے آخری شعری مجموعہ ’’ مرے دل مرے مسافر‘‘ کے بعد کا کلام بھی اس میں شامل ہے۔  فیض ؔ کے شعری مجموعوں کی کُل تعداد ’’سات ‘‘ ہے، جن کے نام حسبِ ذیل ہیں:

اداریہ

  آداب !                   اُمید کہ آپ تمام خیریت سے ہوں گے۔ کورونا کی تیسری لہر کا خطرہ بھی ٹلتا ہوا نظر آرہاہے۔ زندگی کی گاڑی پٹری پر آتی ہوئی نظر آرہی ہے۔ اللہ کرے کہ ایسا ہی ہو۔ خیر یہ کورونا کی لہر یا کورونا کا بنایا ہوا جال تو دو سال سے چل رہاہے۔ لیکن کیا ہم صحت کو لے کر پہلے پریشان نہیں تھے؟ ہمارے گھروں میں ہمارے خاندانوں میں بیماریوں کا بھنڈار پڑا ہے۔ ہر کسی کو کچھ نا کچھ بیماری ہے۔ سردرد جیسے چھوٹی بیماری سے لے کر کینسر جیسے جان لیوا امراض   تک ہمارے خاندانوں میں ضرور پائے جاتی ہے۔                   عزیزان من!   کیا آپ نے سوچا ہے کہ یہ سب کیوں ہورہاہے۔اگر ہم   ہمارے آبا و اجداد کی زندگی پر نظر ڈالیں تو ہمیں کوئی بیماری نظر نہیں آتی۔ چند ایک کو چھوڑ کر جن کی عمریں زیادہ ہوئیں تھیں وہ بھی زیادہ بیڑی کا استعمال کرنے والوں کو پھیپھروں کا کچھ مسئلہ رہتا تھا وہ بھی جان لیوا نہیں ہوا کرتا تھا۔ بس زیادہ سے زیادہ کھانستے رہتے تھے۔ اور آخری دم تک کھانستے ہی رہتے تھے۔ ان کی عمریں سو یا سو کے آس پاس ہوا کرتی تھی۔                   کبھی کسی کو دل کا دورہ نہیں ہوا کرتا تھا اور